ПОИСК ПО САЙТУ
Беларусь Библиотечная
5 простых шагов, чтобы стать студентом белорусского университета
Гранты на обучение в Республике Беларусь



Гжельский государственный университетГомельский государственный технический университет
Белорусский государственный экономический университетБелорусская медицинская академия последипломного образования
Белорусский государственный технологический университетФНКА Белорусов России


Могилевский институт МВД Республики Беларусь
Акадэмія Міністэрства ўнутраных спраў Рэспублікі Беларусь

 


Нравится

Погода Минск
Информация сайта pogoda.by



ФАЛЬКЛОРНЫ ГУРТ “GUDA”

фальклорны гурт “Guda”

Гурт створаны ў пачатку 90-х гадоў ХХ ст. У яго склад увайшлі маладыя вучоныя, студэнты і выпускнікі вышэйшых навучальных устаноў сталіцы. За час працы калектывам былі дасягнуты значныя поспехі ў вывучэнні, перайманні і папулярызацыі народнага мастацтва, дэманстрацыі і прапагандзе лепшых узораў беларускай культуры і мастацтва за межамі краіны.

За перыяд дзейнасці (1991 – 2010) фальклорны гурт “Guda” запісаў тры музычныя альбомы ― “Архаічныя абрадавыя спевы” (2002, 2007), “Ігры багоў” (2005), “Zara” (2006), узяў удзел у вялікай колькасці міжнародных, рэспубліканскіх і рэгіянальных фестывальных, канцэртных, выставачных мерапрыемствах. З канцэртнымі выступленнямі быў запрошаны ў гг. Вільнюс (1996), Калінінград (2003), Вільнюс (2004), Гданьск (2004), Вроцлаў (2006), Варшаву (2006–2008), Цьвер (2009), Ашгабад (2010) і інш.

Глядач высока ацаніў сольныя музычныя праекты ― “Ігры багоў” (2005), Русальны канцэрт (2010), а таксама супольныя мастацкія акцыі з калектывамі, якія выконваюць даўнейшую музыку ― капэлай Алеся Лася (2003), “Легенды Вялікага княства” (2003, 2004, 2005), Зьміцерам Вайцюшкевічам і WZ-Orkiestra (2007), рок-калектывам “Нейра дзюбель” (2002). Праекты калектыву адкрываюць сучаснаму слухачу і гледачу глыбінныя пласты беларускай культуры, дэманструюць яе нацыянальны каларыт, годна сцвярджаюць самабытнасць і каштоўнасць беларускай культуры і мастацтва ў свеце (шэрагу еўрапейскіх культур).

Пра калектыў пішуць: “Этна-фолк гурт Guda сёньня, як і на працягу усяго свайго існаваньня – своеасаблівы арыенцір, як у гусьце, так і ў эмацыйным пляне: рэдка які іншы калектыў праз увесь свой выступ можа правесьці гэткую слоўную вытрымку і глыбока ўзгодненую са сваім унутраным станам сур’ёзнасьць – голаса, твару, постаці”. “Спевы дзяўчат з гурта Guda будзяць этнагенетычную памяць, якая абавязкова жыве ў кожным з нас”.

Удзельнікі калектыву набываюць і ўдасканальваюць грунтоўныя веды па культуралогіі, беларускай этналогіі, мастацтвазнаўству, вядуць самастойную навукова-даследчыцкую, пошукавую работу, выязджаюць у фальклорныя экспедыцыі, працуюць з бібліяграфічнымі і архіўнымі матэрыяламі. Кантакты з выбітнымі беларускімі этнолагамі, этнамузыколагамі, этнахарэографамі, этнакультуролагамі, удзел у навуковых канферэнцыях дапамагаюць ствараць і ўмацоўваць навуковы падмурак творчасці калектыву. Большасць удзельнікаў калектыву прайшлі сур’ёзны навуковы шлях, скончылі ВНУ, аспірантуру НАН Беларусі, працуюць над дысертацыйнымі даследаваннямі, займаюцца выкладчыцкай дзейнасцю, працягваюць навучанне ў магістратуры і аспірантуры.

Мастацкі кіраўнік гурта Любоў Сівурава набыла вядомасць як аўтар даследаванняў у галіне аматарскай мастацкай творчасці, фестывальнага менеджменту, беларускай этналогіі. Ёю апублікавана каля 60 навуковых, навукова-метадычных, навукова-папулярных і вучэбна-метадычных прац. Вольга Емельянчык ― знаны на абшарах Беларусі і памежнай Польшчы вучоны ў галіне антрапалогіі. Яна мае звыш за 30 навуковых публікацый. Навуковыя дасягнені маюць і іншыя ўдзельнікі калектыву ― Тацяна Яцкевіч, Вера Юўчанка, Ганна Емялёва.

Калектыў стварыў і развівае аўтарскую методыку навучання голаснаму спеву (голасны спеў па азначэнні этнамузыколага З. Мажэйка – старажытная манера выканання беларускіх абрадавых песень на адкрытым паветры). Яна заснавана на засваенні мелодыі з голасу, не патрабуе ведання музычнай граматы, фарміруе ў удзельнікаў шырокі дыяпазон голасу, навыкі музычнай імправізацыі, захоўвае непаўторныя тэмбральныя асаблівасці.

З мэтай перадачы назапашанага вопыту, пашырэння кола прыхільнікаў беларускага народнага мастацтва, раскрыцця творчага патэнцыялу ўдзельнікаў у розныя перыяды былі створаны калектывы-спадарожнікі. Імі сталі маладзёжнае грамадска-культурнае таварыства “Сябрына” (мастацкі кіраўнік Любоў Сівурава, Мінск, Беларускі дзяржаўны універсітэт культуры і мастацтваў), фальклорны тэатр “Поўня” (мастацкі кіраўнік Вольга Тарасевіч, Мінск, Цэнтр дзіцячай творчасці “Ранак”), ансамбль “Volya” (мастацкі кіраўнік Вольга Карпцова, г. Сіэтл, ЗША). У дзейнасці гэтых суполак беларускі фальклор атрымлівае спалучэнне з харэаграфічнай, тэатральнай, інструментальнай, гульнявой творчасцю, дэкаратыўна-прыкладным мастацтвам.

Мэтавай аўдыторыяй фальклорны гурт “Guda” часцей за ўсё становіцца студэнцкая, вучнёўская і працоўная моладзь. З вялікай цікавасцю і прыхільнасць наведваюць лекцыі-канцэрты, творчыя сустрэчы, каляндарна-абрадавыя мерапрыемствы з удзелам калектыву студэнты Беларускага дзяржаўнага універсітэта культуры і мастацтваў, Беларускага дзяржаўнага педагагічнага універсітэта імя М.Танка і іншых навучальных устаноў сталіцы.

Плённыя сувязі звязваюць калектыў з Беларускай дзяржаўнай тэлерадыёкампаніяй. “Guda” была ўдзельнікам тэматычных праграм на тэлеканалах “Лад” і “БТ”: “Інстытут культуры”, “Маем рэчы”, “Звычайны незвычайны дзень”, “Добрай раніцы, Беларусь” і інш. З удзелам калектыву быў зняты сюжэт “Дзявочы вечар Наталлі Дзейка” для тэлевізійнага праекта ОНТ “Приданое для невесты”(2009). Аўдыторыя пашыраецца за кошт папулярызацыі творчасці калектыву праз электронныя СМІ. Творчую дзейнасць пастаянна асвятляе інфармацыйнае агенства БелаПАН. 21 мая 2010 года адбыўся оn-line канцэрт. На працягу пяці гадоў дзейнічае афіцыйны сайт гурта, з 2009 ― блог, дзе адлюструецца падрабязная інфармацыя пра падзеі творчага жыцця калектыву і ўстанаўліваецца зваротная сувязь з прыхільнікамі.

Фальклорны гурт “Guda” ― пастаянны ўдзельнік універсітэцкіх мерапрыемстваў, такіх як інаўгурацыя, рэспубліканскі навукова-мастацкі праект “Аўтэнтычны фальклор: праблемы захавання, вывучэння, пераймання”, фестываль студэнцкай творчасці “Арт-мажор”, фестываль творчасці замежных студэнтаў, Дзень факультэта культуралогіі і СКД, іншых мерапрыемстваў установы. “Guda” актыўна ўдзельнічае ў жыцці пярвічнай арганізацыі прафсаюза выкладчыкаў, супрацоўнікаў і прафсаюза студэнтаў.

Вернуться к списку коллективов...


Беларускі дзяржаўны ўніверсітэт культуры і мастацтваў