ПОИСК ПО САЙТУ
Беларусь Библиотечная
5 простых шагов, чтобы стать студентом белорусского университета
Гранты на обучение в Республике Беларусь



Гжельский государственный университетГомельский государственный технический университет
Белорусский государственный экономический университетБелорусская медицинская академия последипломного образования
Белорусский государственный технологический университетФНКА Белорусов России


Могилевский институт МВД Республики Беларусь
Акадэмія Міністэрства ўнутраных спраў Рэспублікі Беларусь

 


Нравится

Погода Минск
Информация сайта pogoda.by



Факультет культурологии и социально-культурной деятельности


Факультэт культуралогіі і сацыякультурнай дзейнасці – адзін з самых папулярных у абітурыентаў універсітэта – існуе з 1975 г. і за гэты час падрыхтаваў плеяду прафесіяналаў.

Выпускнікі факультэта працуюць у сферах канцэртна-гастрольнай, культурна-дасугавай, спартыўна-турыстычнай і санаторна-аздараўленчай дзейнасці; у кінавідэапракаце, індустрыі вольнага часу, рэкламы; выяўленчага, тэатральнага, музейнага мастацтва; сродках масавай інфармацыі, на радыё і тэлебачанні; займаюць кіруючыя пасады ў сістэме Міністэрства культуры і іншых ведамстваў, займаюцца навуковай і педагагічнай працай.

Падрыхтоўка спецыялістаў вядзецца па сусветных адукацыйных і прафесійных стандартах. Студэнты асвойваюць не толькі спецыяльныя дысцыпліны, неабходныя для будучай прафесіі (мэнэджмент, маркетынг, рэклама, культуралогія, мастацтвазнаўства, прадзюсарства і інш.), а таксама асновы эканомікі, прадпрымальніцтва і права, знешнеэканамічнай дзейнасці, псіхалогію, педагогіку, замежныя мовы, інфарматыку, філасофію, сацыялогію, паліталогію і інш. Гэта забяспечвае высокі ўзровень прафесійнай адукацыі, які дазваляе лёгка арыентавацца ў жыцці і знайсці сябе ў любой сферы дзейнасці.

Прафілізацыя навучання, калі студэнт выбірае курсы, якія адпавядаюць яго інтарэсам, такія як менеджмент кінавідэапракату, тэатральны менеджмент, сацыяльная рэклама, аўтарскае права, арт-рынак, піяр у культуры і інш., дазваляе атрымаць паглыбленыя вузка-спецыяльныя веды.

Кафедры факультэта пастаянна арганізуюць майстар-класы і творчыя сустрэчы з вядомымі беларускімі і замежнымі артыстамі, бізнесменамі, педагогамі, прадзюсарамі.

Базамі практыкі з'яўляюцца лепшыя арганізацыі Беларусі: Палац Рэспублікі, Нацыянальны акадэмічны Вялікі тэатр оперы і балета, Беларуская дзяржаўная філармонія, Нацыянальны мастацкі музей, Белтэлерадыёкампанія, Парк высокіх тэхналогій, кінавідэапракат г. Мінска, Беларуская асацыяцыя клубаў ЮНЕСКА, санаторыі і дамы адпачынку Упраўлення справамі Прэзідэнта Рэспублікі Беларусь, рэкламныя, турыстычныя і канцэртныя агенцтвы і інш.

Падрыхтоўка спецыялістаў ажыццяўляецца па трох спецыяльнасцях: культуралогія, сацыяльна-культурная дзейнасць, мастацтвазнаўства. Высокі конкурс дазваляе штогод адбіраць найбольш таленавітую творчую моладзь для плённай працы ў сферы беларускай культуры. На факультэце навучаюцца стыпендыяты спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў, спецыяльнага фонду Прэзідэнта Рэспублікі Беларусь па падтрымцы таленавітай моладзі, пераможцы нацыянальных і міжнародных творчых конкурсаў і фестываляў.

Вядзецца падрыхтоўка магістрантаў, аспірантаў і дактарантаў, працуюць саветы па абароне кандыдацкіх і доктарскіх дысертацый. Прыём у магістратуру ажыццяўляецца па наступных спецыяльнасцях:

- тэорыя, методыка і арганізацыя сацыяльна-культурнай дзейнасці (ступень - магістр педагагічных навук);
- культуралогія (ступень - магістр культуралогіі); - мастацтвазнаўства (ступень - магістр мастацтвазнаўства);
- практыка-арыентаваная магістратура «Арт-менеджмент» (ступень - магістр менеджменту).

Педагогі факультэта – вядомыя навукоўцы і дзеячы культуры і мастацтваў - уваходзяць у склад грамадскіх і экспертных саветаў, журы нацыянальных і міжнародных конкурсаў.

На факультэце створаны ансамбль народных інструментаў «Арт-дысананс», фальклорны калектыў «GUDA», тэатр паэзіі «Вуліца», а таксама навукова-творчыя і даследчыя лабараторыі, валанцёрскія групы. Студэнты факультэта прымаюць актыўны ўдзел у праектах: «Віват, першакурснік!», «Дерзай, першакурснік!», «PROявление», «Сваё кола», «Канструктар», «Дзень факультэта» і інш.

Партнёрскія адносіны «студэнт - выкладчык», магчымасць раскрыцця талентаў у творчасці і навуцы, удзел у цікавых праектах, зносіны і сумесная праца з вядомымі персонамі, стымуляванне самаадукацыі і самаўдасканалення з'яўляюцца моцнымі асаблiвасцямi факультэта.


Беларускі дзяржаўны ўніверсітэт культуры і мастацтваў