Студэнты ФІДК прынялі ўдзел у міжнароднай акцыі «Ноч музеяў-2021»

25.05.2021

Студэнты 1-3 курсаў спецыяльнасці «Музейная справа і ахова гісторыка-культурнай спадчыны» 22 мая 2021 года прынялі актыўны ўдзел у міжнароднай акцыі «Ноч музеяў-2021».

Як заўсёды, студэнты кафедры гісторыі Беларусі і музеязнаўства Беларускага дзяржаўнага ўніверсітэта культуры і мастацтваў працавалі ў якасці валанцёраў як у музейных установах г. Мінска, так і па-за межамі сталіцы.

Першай спробай музейнага валанцёрства для студэнтаў 1 курса Уладзіслава Герасімёнка, Максіма Картаўцова і Дар’і Жук стала «Чароўная ноч у Ваньковічаў», якая адбылася ў філіяле Нацыянальнага мастацкага музея Рэспублікі Беларусь «Дом Ваньковічаў. Культура і мастацтва першай паловы XIX стагоддзя».

Дзяржаўны літаратурны музей Янкі Купалы прадставіў наведвальнікам праграму «МАС-КУ» – МАСтацтва і КУпала. Дапамагалі музейшчыкам студэнты 250 гр. Васіль Сідарчук, Крысціна Шашкова, Амалія Рошчына, Ульяна Івашчанка, Марыя Савіцкая і Аляксей Крэнь.

Валанцёрамі ў Беларускім дзяржаўным музеі гісторыі Вялікай Айчыннай вайны на праграме «Ночь музеев: новый отсчет!» сталі студэнты 350 гр. Павел Русавук і Уладзіслаў Еўтушэнка.

На «Падарожжа ў часе» ў Музеі гісторыі тэатральнай і музычнай культуры прымалі гасцей студэнткі 350 гр. Вольга Бруевіч і Анастасія Дзіваш.

Насычаную праграму прадставіў Музей гісторыі горада Мінска і яго філіялы. Дарына Жыгавец, Ганна Гендзік і Паліна Гур (350 гр.) дапамагалі ў правядзенні праграм «Музейная квэст-тэрапія» і «Літаратурна-музычны лабірынт у Лошыцкай сядзібе».

У рэгіянальных музеях працавалі студэнткі 350 гр. Яна Казакевіч (Мінскі абласны краязнаўчы музей ў г. Маладзечна) і Аліна Шаўцова (Любанскі музей народнай славы).

Супрацоўніцтва ў рамках міжнароднай акцыі «Ноч музеяў-2021» атрымалася ўзаемакарысным: студэнты спецыяльнасці «Музейная справа і ахова гісторыка-культурнай спадчыны» атрымалі практычны вопыт арганізацыі буйных музейных мерапрыемстваў, а музеі – ініцыятыўных і актыўных валанцёраў.

Возврат к списку